होळीत जाळा दुष्ट भाव
एकत्र येऊं सारे जण विसरुन जाऊं भेदभाव
जाळीन टाकू होळीमध्यें दुष्ट असतील ते स्वभाव //धृ//
ऐष आरामांत राहून देह झाला मलीन
शरीर सुखासाठीं करती नाना खटपटीं
आज आहे सण होळीचा नष्ट करा आहीक भाव
जाळीन टाकू होळीमध्यें दुष्ट असतील ते स्वभाव //१//
मन असे चंचल भारी सर्व दिशेनी घेई भरारी
राग लोभ अहंकार मनाचे तर हे विकार
टाकता मलीनता मनाची पेटलेल्या होळीमध्यें, घे धांव
जाळीन टाकू होळीमध्यें दुष्ट असतील ते स्वभाव //२//
विसरुन चाललो मानवता प्रत्येक बघतो स्वार्थता
विश्वासाचे आपले नातें विसरुन गेले सारे ते
निःस्वार्थ बुद्धीने आंता जाणा इतर मनांचे ठाव
जाळीन टाकू होळीमध्यें दुष्ट असतील ते स्वभाव //३//
कविता
डॉ. भगवान नागापूरकर
९००४०७९८५०
