आला ! आला रे पाऊस !

आला  !   आला रे पाऊस !

आला  !   आला रे पाऊस !

धरणीला असे मीलनाची आंस    //धृ//

गेली होती तापूनी      रखरखली सारी

अंग जाता वाळूनी     भेगा पडती शरिरी

थकली ती सोसूनी     उकाड्याचे चार मास

आला  !   आला रे पाऊस !

धरणीला असे मीलनाची आंस    //१//

पाणी गेले आटूनी     नदी नाले कोरडे

पहाटेच्या दवातूनी   झाडे जगती थोडे

गेली हरळी जळूनी   बीजे टाकूनी आसपास

आला  !   आला रे पाऊस !

धरणीला असे मीलनाची आंस    //२//

आता येईल वनीं     चैतन्य लपलेले

तरुवेली जाती फुलूनी    पडणाऱ्या जलामुळे

जाती सारे आनंदुनी     दरवळत मातीचा सुवास

आला  !   आला रे पाऊस !

धरणीला असे मीलनाची आंस     //३//

(कविता)

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s