Daily Archives: डिसेंबर 3, 2010

असुरक्षीत जीवन

 

आज कुणाच काय भरवसा 
रडते जीवन ढसाढसा    // धृ //   
 
प्रेम दिसेना जगांत कोठे 
ह्रदया मधले सरले साठे 
ओढ कुणाची कुणा न वाटे 
ओरड करुनी कंठ न दाटे
सुकुनी गेला घसा  
रडते जीवन ढसाढसा  – – – १
 
बाप ना भाऊ इथे कुणाचा 
लोप पावला कढ रक्ताचा 
मायमाउली सहज विसरते 
काळ तिचा तो नऊ मासाचा 
फुटला नात्याचा आरसा  
रडते जीवन ढसाढसा – – – 2  
 
सुरक्षतेचे कवच दिसेना 
शब्दावरी विश्वास बसेना 
दुर्मिळ झाली त्याग भावना 
कदर कुणाची कुणी करेना 
इथे लागतो केवळ पैसा
रडते जीवन ढसाढसा – – – ३
 
(कविता)